De FNP Steatefraksje komt yn de Steategearkomste fan 18 febrewaris mei in moasje frjemd “Op nei de Olympyske Ringen” oer it stypjen fan de lobby om it reedriden yn Thialf ûnder te bingen yn it ramt fan de Olympyske Spelen 2030. De FNP fynt it wichtich dat de Steaten harren ienriedich en krêftich útsprekke oer dizze unike kâns.

Thialf wurdt troch it Frânske organisaasjekomitee beskôge as in mooglike lokaasje foar it Olympysk reedriden. De Provinsje Fryslân hat yn gearwurking mei de gemeente Hearrenfean, it Ministearje fan VWS, Thialf, NOC*NSF, de KNSB en ferskate oare partijen in útwurke foarstel ynstjinne by it organisaasjekomitee. It Olympysk reedriden biedt net allinich in bysûndere sportmooglikheid, mar ek in sterke ynternasjonale profilearring foar Fryslân en dúdlike ekonomyske foardielen foar de regio.

It proses is de ôfrûne perioade yn in streamfersnelling kommen en dêrom fynt de FNP it wichtich om no brede stipe út te sprekken. Dêrneist giet it om in bysûnder histoaryske kâns, om’t der sûnt 1928 gjin Olympyske aktiviteit mear yn Nederlân plakfûn hat, wylst Thialf yn 2030 ek nochris syn 175-jierrich bestean fiert.

Yntusken is der ek al stipe fan de Steatefraksjes fan CDA, BBB en ChristenUnie.

https://www.fnp.frl/blog/nijs/moasje-op-nei-de-olympyske-ringen/