Rego exixe a Sánchez mellorar e modernizar a rede de camiños de ferro e os servizos ferroviarios
Bloque Nacionalista Galego 12-02-2026, 10:50
Durante a comparecencia do Presidente do Goberno, Néstor Rego reclama a Sánchez actuacións urxentes para manter, mellorar e modernizar a rede ferroviaria para que non se volvan a repetir accidentes como o de Adamuz, onde exixe “axilidade, transparencia e tratamento adecuado ás vítimas”. No eido internacional, o deputado nacionalista demanda levantar a voz ante os Estados Unidos e defender a legalidade internacional e o respecto á soberanía dos pobos.
Verdade, xustiza e reparación para as vítimas e familiares: “que non se repita o accidente de Angrois”
No marco da comparecencia do Presidente do Goberno no pleno do Congreso, o deputado nacionalista, alén de trasladar o pesar e a solidariedade do BNG coas vítimas e familiares de Adamuz e Gelida, sinala que “non pode acontecer con estes o que ocorreu co accidente de Angrois” onde “houbo un pacto de silencio entre PP e PSOE para tapar as responsabilidades compartidas por Ana Pastor e José Blanco na construción da liña e na decisión de non instalar o sistema de freado automático ERTMS”.
“O peor foi o abandono das vítimas e das familias sen que fosen debidamente atendidas nin recibidas por ministras e ministros do PP e do PSOE, sen que se tivese realizado unha investigación en profundidade realmente independente” lembra Rego.
En opinión do deputado do BNG, é preciso investigar en profundidade e de maneira independente para que tamén “sexan asumidas as responsabilidades a que houber lugar”. “Reclamamos axilidade, absoluta transparencia e tratamento adecuado ás vítimas para alén das necesarias actuacións de mantemento, mellora e modernización da rede ferroviaria” incide.
O caos ferroviario na Galiza: irresponsabilidade e discriminación
“Resulta inaceptábel actuación como a acontecida na pasada semana no Eixo Atlántico, coa suspensión durante 72 horas dos servizos ferroviarios sen previo aviso e sen alternativa de transporte por estrada e sen o consentimento de ADIF” denuncia o deputado nacionalista, sinalando que a alerta era coñecida con anterioridade, que “deixou tirados a millares de usuarios e usuarias durante tres días”.
Segundo explica Rego, agora o Goberno acorda un protocolo de actuación para os casos de alerta meteorolóxica, “mágoa que na pasada semana non aplicasen no mínimo o sentido común porque a prudencia é necesaria mais non é incompatíbel coa previsión e a organización de alternativas”. Neste sentido, cualifica a decisión da semana pasada de non fornecer transporte alternativo por estrada de “irresponsábel e unha discriminación co noso País”.
Levantar a voz para a liberdade dos pobos e o respecto internacional
O deputado do BNG no Congreso aproveita a comparecencia no pleno do Congreso para denunciar a ofensiva imperialista do Estados Unidos e a submisión da Unión Europea e os Estados europeos -tamén o español- que “prefiren agachar a cabeza e obedecer os mandatos de Trump” incluída a compra de material militar que só contribúe a alimentar a escalada belicista.
“Exiximos ao Goberno levantar a voz para defender a legalidade internacional e o respecto á soberanía dos pobos. Levantar a voz para defender Cuba e que se poña fin ao bloqueo; para defender unha Palestina libre e un Sáhara libre; para rexeitar amezas, intervencións e bombardeos e para defender políticas de Paz” afirma o deputado nacionalista.
Por último, reitera a Sánchez a necesidade de fechar as bases norteamericanas en territorios do Estado español e saír da OTAN, unha demanda que forzas políticas como o BNG levan reclamando máis de 40 anos: “xa é moito hora de facelo” sentenza.
El partit menorquinista ha registrat una instància al Ministeri d’Hisenda per advertir d’una greu infracció ambiental que atempta contra un recurs natural escàs com és l’aigua
read more..Saleta Chao denuncia a “inaceptable situación” que sofre a veciñanza desde hai anos, con cortes frecuentes que afectan tamén a actividade empresarial
read more..In Vlaanderen schommelt de werkzaamheidsgraad rond 77 procent. Maar voor personen met een arbeidshandicap is dat ongeveer 46,5 procent. Om dat talent niet verloren te laten gaan, wil Vlaams Parlementslid Ine Tombeur het individueel maatwerk versterken. “Werk geeft structuur, kansen om talenten te ontwikkelen en een plaats in de samenleving. Ook voor mensen met een arbeidsbeperking”, vertelt Tombeur.
read more..LA CONSECUCIÓN DE INCENDIOS EN EL CORAZÓN DEL PARQUE DOÑANA AMENAZA UN PATRIMONIO INCALCULABLE
El fuego está haciendo estrago en parajes como el Rincón del Membrillo, La Algaida, El Corral de Félix o Marismillas según el INFOCA
read more..“Massa sovint el PSOE arriba tard, i amb el Delta arribar tard és condemnar-lo”, ha denunciat el senador republicà, Jordi Gaseni
read more..José Manuel Latorre, Portavoz de CHA en la Diputación de Zaragoza: “Apoyamos y firmamos porque existen afecciones ambientales, legales y territoriales que deben revisarse antes de continuar con el proyecto”.
read more..Néstor Rego: “Nin os galegos e galegas poden seguir pagando unha das peaxes máis caras do Estado por circular por unha infraestrutura insegura, nin o Goberno pode mirar cara a outro lado”
O BNG pide ao Goberno exixir á concesionaria actuacións urxentes para garantir un mantemento adecuado, en consonancia cos seus elevados beneficios
O deputado do BNG lembra que continúa a traballar para conseguir unha AP-9 galega e libre de peaxes
read more..