BNG reclama ao Goberno do Estado a reposición inmediata dos servizos ferroviarios entre Santiago e Vilagarcía
Bloque Nacionalista Galego 19-02-2026, 14:58
O Bloque Nacionalista Galego (BNG) vén de rexistrar con urxencia nas Cortes do Estado iniciativas para exixir ao Goberno do Estado que rectifique e repoña de inmediato os servizos ferroviarios convencionais entre Santiago de Compostela e Vilagarcía de Arousa, suprimidos desde o pasado 6 de febreiro após os episodios de fortes precipitacións.
O deputado do BNG no Congreso, Néstor Rego, cualifica a situación de “inadmisíbel” e demanda explicacións claras ao Executivo central sobre as razóns que motivaron o feche da liña convencional, así como un calendario concreto para a súa reapertura ao tráfico ferroviario.
Segundo denuncia o BNG, a decisión de desviar os trens rexionais pola liña de altas prestacións non resolve as necesidades da veciñanza das estacións intermedias, que ficou sen servizo ferroviario. “Non se pode considerar unha alternativa válida cando se deixa sen tren a centos de persoas que utilizan a diario as paradas da Matanza en Padrón, Pontecesures, Catoira ou Osebe, en Teo, para desprazarse ao traballo ou aos seus centros de estudo” sinala.
Néstor Rego critica tamén a xestión realizada por Renfe, tanto pola falta de información ás persoas usuarias como polas deficiencias do plan alternativo por estrada. “Non existiu unha planificación ordenada nin rigorosa. Hai días nos que o autobús chega tarde, outros nos que directamente se suprime e, nalgúns casos, as persoas usuarias vense obrigadas a recorrer a taxis. Isto é un auténtico pesadelo para quen depende do tren a diario” afirma o deputado nacionalista.
Ademais, o BNG denuncia que durante dous días continuaron vendéndose billetes para un servizo que xa estaba suspendido, obrigando ás persoas viaxeiras a desprazarse até as estacións para atoparse cun tren inexistente. “É unha mostra máis da falta de coordinación e da desatención cara ás persoas usuarias” subliña Rego.
Mantemento e prevención frente ás chuvias
Para o BNG, non é xustificábel que ante previsións meteorolóxicas adversas a única resposta de Renfe e ADIF sexa o feche do tráfico ferroviario. “O que debe facer o Goberno é garantir unha revisión e inspección exhaustiva das vías, taludes e infraestruturas que permita manter a circulación mesmo en condicións de chuvia intensa, evitando desprendementos, caídas de árbores ou acumulacións de auga que poidan supoñer un risco” demanda.
Neste sentido, Néstor Rego exixe que o executivo detalle cando se realizou a última revisión da liña, con que periodicidade se levan a cabo estas inspeccións e cales foron as últimas actuacións de mantemento efectuadas no tramo afectado. “Cun mantemento adecuado e suficiente, non debería existir risco ningún que xustifique a suspensión prolongada do servizo” sostén.
O BNG reclama, en definitiva, a reposición inmediata dos trens convencionais entre Santiago e Vilagarcía, a mellora da atención e información ás persoas usuarias e a posta en marcha dun plan de mantemento rigoroso que evite que situacións semellantes volvan repetirse. “A Galiza non pode seguir sufrindo recortes e decisións arbitrarias nun servizo público esencial como é o ferroviario” conclúe o deputado nacionalista.
El candidato número uno de CHA a las Cortes de Aragón por la circunscripción electoral de Teruel, Javier Carbó, ha realizado hoy un balance global de la campaña electoral, destacando el contacto directo con la ciudadanía, la implicación de la militancia y la necesidad de acudir a votar para defender el futuro de Aragón.
read more..Propón unha estratexia institucional e de internacionalización específica para abrir mercados aos sectores produtivos galegos no país americano
Aposta por impulsar a Lei Paz Andrade para aproveitar a oportunidade tanto económica como cultural que representa a lusofonía para Galiza
read more..Junts registra preguntes sobre l’incompliment dels compromisos de les dues últimes reunions
read more..Devolving justice is ‘common sense’ solution to ‘disappointing’ state of justice system in Wales.
read more..ALFONSO SALMERÓN ENCABEZARÁ LA LISTA DE LA COALICIÓN ANDALUCISTAS POR ALMERÍA
Teo Montoya da un paso al lado y seguirá trabajando en la candidatura andalucista por Almería aportando su experiencia política. La coalición destaca su compromiso con el proyecto y anuncia el respaldo a Alfonso Salmerón como nuevo cabeza de lista.
read more..Néstor Rego: “Non imos aceptar máis recortes nin máis escusas. A cidadanía galega merece un servizo ferroviario digno, seguro e á altura das súas necesidades”
A organización nacionalista exixe a restitución de todos os servizos ferroviarios suprimidos e impulsar a implantación dos servizos de proximidade ferroviaria
read more..Nadat de ervaring -in onder meer Duitsland- leerde dat effectieve grenscontroles wel degelijk werken, kondigde de regering-De Wever midden vorig jaar met veel trompetgeschal aan dat ook België controles zou invoeren om ‘illegale immigratie tegen te gaan’. “Deze zogenaamde ‘grenscontroles’, beperkt tot hooguit twee per week, vonden niet plaats aan de grens, maar in het binnenland”, zegt Vlaams Belang-Kamerlid Francesca Van Belleghem. “Met amper 12 uitzettingen op een half jaar tijd kan het dan ook gerust een formidabele flop worden genoemd.”
read more..