BNG denuncia que o PP incumpre reiteradamente as normativas europeas de medio ambiente
Bloque Nacionalista Galego 20-02-2026, 13:21
A eurodeputada do BNG, Ana Miranda, mantivo hoxe unha xornada de traballo en Cabanas, onde visitou dous espazos con diversos problemas medioambientais, como son os áridos asfálticos de Vilar do Colo e o piñeiral da Madalena. Na xornada, que comezou cun encontro co grupo municipal do BNG, encabezado polo seu portavoz, Iago Varela, así como co deputado Xosé Manuel Golpe, ademais de denunciar o incumprimento reiterado das normativas europeas por parte do PP, Miranda avanzou a presentación de diversas iniciativas nas institucións europeas.
Na visita ao depósito de áridos de Vilar do Colo, na que tamén participou a alcaldesa de Fene, Sandra Permuy, abordouse a grave situación ambiental que supón o verquido de máis de 290.000 toneladas de refugallos asfálticos contaminantes procedentes dos Países Baixos. Estás substancias levan case dúas décadas acumuladas nunha parcela forestal do Monte dos Cocidos, nas inmediacións do río Baa, xunto o polígono de Vilar do Colo.
A inacción prolongada da Xunta de Galiza como autoridade competente provocou durante anos filtracións contaminantes cara acuíferos, captacións de auga e, finalmente, á ría de Ferrol. “Estamos ante un caso moi grave de pasividade ambiental que non pode continuar”, denunciou, ao tempo que avanzou que desde o Parlamento Europeo “imos volver poñer o foco neste problema para que as autoridades competentes actúen dunha vez e garantan a retirada dos residuos e a recuperación ambiental da zona”.
Obrigas ambientais
“Seguiremos esixíndolle á Xunta o saneamento da ría de Ferrol e a solución ao problema do depósito dos áridos”, subliña Xosé Manuel Golpe. Pola súa banda, Iago Varela destacou que “levamos anos denunciando esta situación e reclamando solucións”. Segundo afirmou, “a visita de Ana Miranda permite elevar novamente este problema a instancias europeas e reforzar a presión para que a Xunta cumpra coas súas obrigas ambientais”.
A xornada continuou no Piñeiral da Madalena, onde Ana Miranda coñeceu de primeira man o proxecto de conservación e rexeneración financiado con fondos europeos de Transición Xusta, cun investimento de 498.872,22 euros. Ao respecto, o BNG trasladoulle a preocupación pola xestión do actual goberno local e denunciou actuacións que consideran lesivas para o ecosistema, como cortas non programadas, talas para a construción dun aparcadoiro ou o depósito de area sen tratamento previo.
Durante o encontro coa veciñanza, Miranda amosou o seu apoio ao movemento social en defensa do Piñeiral e subliñou que “os fondos europeos están para protexer e recuperar o territorio, non para poñelo en risco. É fundamental garantir unha xestión ambiental rigorosa e respectuosa”. Neste sentido, Iago Varela incidiu en que “o Piñeiral é un espazo natural emblemático de Cabanas e imos seguir defendendo a súa conservación fronte a decisións que comprometen o seu futuro”.
A xornada de traballo rematou cun encontro coas representantes das asociacións de propietarias das Fragas do Eume no que se abordaron os problemas estruturais do Parque Natural, especialmente en materia de xestión territorial. Ao respecto, Ana Miranda avanzou a presentación dunha pregunta parlamentar para trasladar ás institucións europeas a realidade do territorio e avanzar cara unha xestión máis eficaz e sostible. “E necesario desenvolver o Plan de Usos do Parque que poña en valor o patrimonio ambiental do parque e que sexa compatible cos dereitos dos propietarios”, sinalou ao respecto o Xosé Manuel Golpe.
Olalla Rodil: “Nas concentracións, intentan enganalas dándolles a razón ás nais e aquí na Cámara dánlles coa porta nos fociños”, recriminou
read more..Dès novembre 2022, lors de notre dernier Congrès, Corsica Libera appelait « à jeter les bases d’un regroupement plus large des forces qui se situent dans une démarche d’essence nationale ». Cet appel fut par la suite réitéré solennellement depuis la tribune des Ghjurnate Internaziuale en août 2023. À cette occasion, nous affirmions que notre organisation politique se tenait prête à prendre sa part dans la constitution d’une démarche nouvelle et ce « non pas dans l’intérêt d’un sigle ou d’un pré carré politique mais en ayant pour boussole l’intérêt de cette terre et de la nation toute entière ».
read more..Saleta Chao critica a “teima” do Goberno de Rueda por non colaborar cos concellos, especialmente co de Santiago, e exixe a creación dunha comisión de coordinación como a do Xacobeo 2021
read more..Néstor Rego denuncia que executivo estatal e galego avanzan “sen estudos rigorosos e dando as costas ao sector pesqueiro galego
O BNG demanda desbotar a extensión de novas zonas para o despregamento da eólica mariña, frear as poxas previstas e apoiar as reivindicacións da Plataforma en Defensa e dos Ecosistemas Mariños
read more..BOZEN – In den vergangenen Wochen wurden in den Schützenkompanien des Südtiroler Schützenbundes die Kommandantschaften neu gewählt. In 32 Kompanien kam es dabei auch zu einem Wechsel des Hauptmannes.
read more..Minister van Asiel en Migratie Anneleen Van Bossuyt is voor het eerst op officieel bezoek in Congo, en dat is niet zonder reden. Congo staat momenteel in de top drie van asielaanvragen, na Afghanistan en Palestina.
read more..Danas na Delti obilježavamo Dan pobjede nad fašizmom i Dan Europe – u gradu koji nosi posebno mjesto u antifašističkoj povijesti Europe.
read more..UDB Kreiz Breizh a c’houll gant tier-kêr nevez Bro KKB, a vo dilennet e miz Meurzh, d’emezelañ er gevredigezh « Breizh 5/5 » evit Breizh pemp departamant.
read more..Ante a sospeita de que o PP tente comprar o voto dunha tránsfuga a cambio dun cargo público: “Sería un escándalo democrático e unha ilegalidade pola que habería que responder ante a Xustiza”
Critica a Rueda que desprece o mandato da veciñanza, á que lle di que “o seu voto non vale nada” e que pode ser cambiado con pactos escuros de despacho
read more..