Dopo il TARAMOT ai furlans che crodin

Riportiamo per intero la Lettera scritta dai preti di Glesie Furlane l’11 maggio 1976. Ci sembra il modo migliore per commemorare quanto avvenne 50 anni fa, fuori da ogni retorica.

Dopo il TARAMOT ai furlans che crodin

I predis de Glesie Furlane

Friûl, 11-5-1976

Nô, predis de diocesi di Udin, o vin braure di jessi purission di cheste Glesie Furlane che in ogni moment de so storie martoriade si plèe fin par tiere ma no si creve e che ancje cuanche lis disgraciis a plombin di no spietalis, a si mostre simpri pronte al passač dal Signôr.

O metin tes mans di Dịu chêi che àn cjatât il lor vinars Sant sot lis maseriis, ma biel che ur disin “mandi” a lôr, o savin che par nô che o sin ancjemò achi, il prin dovê al è chel di cjalâ indevant e di tornâ a meti in pins la nestre Patrie pe milesime volte.

Cence cjapâ la volte a di nissun, ma par che sielte ch’o vin fate: di servî la nestre int no dome te muart, ma ancje pardut là che si celebre la vite so, o pensin, come presbiteri, di fâ rivâ lis nestris propuestis semplicis ma risoludis a duc’ chêi che disin di jessi a servissi dal Friûl. Chest cence volê puartâj vie il mistîr a di nissun.

1) - Il nestri popul no si è mai tirât indaûr tai confrons dal Stât Talian. A si è sacrificât in vuere, al è lât pal mont, al à strussiade la so vite, al à judât chêi plui biâts di lui. Cumò, te so disgracie nol domande né dûl, né caritât. Al crôt di vê dirit a un tratament compain che il Stât al à fat cun cheâtris. Né plui, né mancul.

2) - Cuanche il Stât al varà fate la so part, o pratindin di jessi nô Furlans a decidi di sielgi il mût di tornâ a meti in pins la nestre tiere come che la nestre sensibilitât e sperience di popul, ingrumade di secui, nus consearà miôr. A la cual o domandin che ce ch’a daràn no si pierdi tal furmiâr de burocrassie dal Stât e de Regjon, o ben passant traviers cjanai che nô no sintin come nestris. I Enz locâi, in prime rie i Comuns che nô o vin metût su liberamentri, en di jessi chêi che cjaparan in man cheste opare, in mût che i aiuts a rivin ’e int. Su di chest nol è di molâ gran.

3) - O pratindìn che i Partits a metin di bande speculasions e calcui politics, e che cjatin une union tal unic intendo di siervi il lor Popul. A lôr ur disin daurman che se ciraran di sfrutâ ancje cheste disgracie pai lor calcui o par procuraur ai Furians un’âtre umiliassion, come ch’al è stât sucedût in altrò, e cjataràn i predis furlans compats cuintri di lôr.

4) - Prime robe di fâ al è di cjatâ un sotet provisori par dute la int dongje dal lor paîs e des lor tieris. O vin un slac di casarmis. Come che in timp di vuere, i militars e àn vût il dirit di ocupâ lis cjasis de int, cussi, la int e à di podê jentrâ daurman tes casarmis, ch’and’è tantis, e grandonis, e chel ch’al vâl di plui, dongje dai paîs plui batûts. Chest al è ancjemò plui just, se si cjalin lis siervitûts militars che nus pesin ogni pît alčât.

5) - I Furians, forsit plui di une cjase stabil e comencin ža a domandâ di lavorâ. Rispuindi a di cheste voe di fâ e jè l’uniche maniere par dâj sperance te vite a di un Popul ch’al à simpri vût riguart di jessi mantignût. Il Stât che no si è mai pensât di meti sù une fabriche a partecipassion statâl tal Friûl storic, al podarà di che strade ancje parà jù un pecjât di omission.

6) - Simpri fevelant di ocupassion, o domandìn, in fuarce di une Regjon che si vante di jessi autonome e che no à fat ce che regjons cun mancul fuarce pulitiche e àn savût cumbinâ, che si cjapin provediments imediats, in forme di leč, par dâ in precedence asolude a ’e nestre int il puest di lavôr, massime tes scuelis, tai ufissis, e par dut là che il nestri Popul al à di cressi cu la so tipiche culture. Se al è stât just clamâ mestris e infermieris furlanis a viodi dai fruts e dai malâts intant dal taramot, no capîn parceche cheste robe sacrosante no ledi ben cuanche a jè finide la disgracie.

7) - I nestris paîs e àn di tornâ sù cun dute che ricjece di personalitât e caratarisasion che vevin. Al è di fonde rispietâ l’ambient naturâl, storic, etnologic de furlanìe, inibint dal dut barachis baracons e casarmons, che laressin di Diu par chêi che spiculin ancje sul mâl, ma che coparessin la spontaneitât e iripetibilitât dal vivi furlan. E varàn ancje di tegnî cont che la nestre int a vîf in buine part cu la campagne, e che sares snaturade e folpeade se la sierassin in condominis.

8) - Come predis, o vin viodût che la nestre int e à celebrât in chesc’ dîs la plui biele Messe de so storie, stant un dongje l’âtri e mostrant une fuarce morâl che nissun nol vares mai crodût. Cheste int e savarà cjapâ fuarce ancje cence une glesie di claps. Poben, o domandìn che passi dal dut in prime rie la preocupassion di tornâ a dâ un sotet dignitôs a si ogni famèe, scomenčant des plui puaris. Cul timp, se Di’orà si podarà ancje pensâ di tirâ sù cualchi glesie, che mostri ancje te so struture che il Signôr al è a stâ cun nô, cence maniis di grandece e monuments che no àn parintât né cul Signôr, né cui furlans.

9) - Chest flagjel nus à batûts ancje tun âtri fil de nestre anime, cuanche al à sdrumât monuments che jerin come libri viert de nestre storie. O podìn ancje spietâ, ma o volìn che chesc’ lucs sants e tornin in pins, parceche un popul al vîf ancje di ce ch’al sa mostrâ di sè a di chêi che vegnin dopo. Une robe e à di jessi clare: no si à plui di sacrificâ la vite dal omp pai monuments e pai museos. S’al covente, che si sielgin prime (e chi o intindîn riferîsi a une serie programassion, cun massime autoritât ai Comuns) puesc’ difarents, in mût che la vite di jêr no sedi un stralen pe vite di vuê.

10) - Par vie che l’omp nol vîf dome di pan, o tornìn a bati il claut de universitât autonime furlane, riconfermant l’impegni cjapât in Asemblèe. O denuncìn la banalitât e la disonestât dai cantins tirâts fûr in chesc’ dîs achî cuintri di chest sacrosant dirit. Chêi che àn fuarce pulitiche che sepin che cumò e àn un motif di plui e grâf, par mostrâ la lor muse cence fufignis. Nol è just žujâ cu la biade int. La universitât e fâs part de ricostrussion!

11) - La Glesie Furlane, cence jentrâ in cuncurince cun nissun, e met dute la so fuarce a servissi dal so Popul, e si batarà fin che tirarà flât par che vegnin ricognossûts i siei dirits cence cjalâ in muse nissun e riscjant come ch’al à simpri riscjât lui. Simpri par lui o metin a disposission ce che cui siei sudôrs e la so fede si veve rivât a fâ: seminari, cjasis parochials, ricreatoris e coloniis, e âtri che al coventas, vendint ancje robe di valôr.

In chest spirit o proponin che duc’ i santuaris, ancje se no son sot la bachete dal vescul, ma che vivin cu lis ufiertis di cheste int tant provade, e passin dut ce che no ur covente par vivi, par judâ chêi che jù àn mantignûts fin cumò. Duc’ chêi che volaran vegnî ca di nô, e cjataràn la puarte vierte e la nestre disponibilitât in dut ce ch’o podìn. O incarichìn i nestris argains di Curie di formâ prin che si po un centro di coordinament par chestis robis, lassant di bande cumissions e ufissis diocesans che no coventin.

Che il Signor al dêi la pâs ai vîfs e la requie ai biats muarts

I predis de Glesie Furlane

***

Dopo il TERREMOTO ai friulani che credono

I preti di Glesie Furlane

Friuli, 11-5-1976

Noi, preti della Diocesi di Udine, siamo orgogliosi di appartenere a questa Chiesa Friulana che in ogni momento della sua storia martoriata si piega fino a terra ma non si spezza e anche quando le calamità giungono inaspettate si mostra sempre pronta al passaggio del Signore.

Coloro che hanno trovato il loro Venerdì Santo sotto le macerie sono nelle mani di Dio, ma mentre diciamo loro “arrivederci”, sappiamo che per noi, rimasti, il primo dovere è di guardare avanti e di ricostruire la nostra Patria per l’ennesima volta.

Senza usurpare le funzioni di alcuno, ma per quella scelta che abbiamo fatto di porci al servizio del nostro Popolo non solo nella morte ma anche dovunque esso celebri la sua vita, pensiamo, come presbiterio, di far giungere le nostre proposte semplici ma risolute a tutti coloro che si dichiarano al servizio del Friuli. Questo nel rispetto delle rispettive funzioni.

1) - Il nostro Popolo ha sempre collaborato con la comunità italiana al benessere dello Stato. Si è sacrificato in guerra, ha emigrato, ha consumato la sua esistenza, ha aiutato coloro che erano indigenti più di lui. Adesso, nella sua disgrazia, non chiede né compassione né elemosina. Crede di avere diritto a un trattamento uguale a quello che lo Stato ha usato con gli altri. Né più né meno.

2) - Quando lo Stato avrà fatto il suo dovere, non possiamo rinunciare al diritto di essere noi Friulani a scegliere e decidere il modo di ricostruire la nostra terra secondo la nostra sensibilità e l’esperienza di popolo accumulata nei secoli. Conseguentemente chiediamo che quanto verrà devoluto a questo scopo non si perda nelle pastoie della burocrazia statale e regionale passando attraverso canali che noi non sentiamo nostri. Questo lavoro deve essere di competenza degli Enti Locali e primariamente dei Comuni, da noi liberamente eletti. Questo punto è irrinunciabile.

3) - I Partiti, per il loro stesso buon nome, sappiano superare speculazioni e calcoli politici e trovino una comunione nell’unico scopo di servire il loro popolo. Diciamo chiaramente ai politici che, qualora sfruttassero questa sventura per i loro calcoli e per umiliare il nostro popolo, come è successo altrove, troveranno il Clero friulano sempre pronto a denunciare apertamente questo gioco disonesto.

4) - Urge trovare alloggio provvisorio per le popolazioni in prossimità dei loro paesi e dei loro campi. Abbiamo una colluvie di caserme. Come in tempo di guerra i militari in momenti di emergenza, si sono sentiti in diritto di occupare le case dei civili, con lo stesso diritto ora la popolazione deve poter entrare subito in quelle caserme così numerose e costruite soprattutto in prossimità dei paesi più provati. Ciò è ancor più giusto se si tengono presenti le servitù militari che ci soffocano da ogni parte.

5) - I Friulani, forse prima di una dimora stabile, cominciano già a chiedere lavoro. Favorire questa volontà di azione è la maniera più valida per dare speranza nella vita a un popolo che ha sempre sentito come ripugnante l’essere di peso alla collettività. Lo Stato, che si è ben guardato dal costruire anche un solo complesso industriale a partecipazione statale nel Friuli Storico, potrà in tal modo farsi perdonare un peccato di omissione.

6) - Sempre in tema di occupazione, domandiamo in forza di una Regione che si proclama di essere autonoma e che non ha fatto ciò che Regioni con meno potere deliberante hanno saputo organizzare, che si prendano provvedimenti immediati con valore di legge per dare una precedenza assoluta alle nostre popolazioni nei posti di lavoro, soprattutto nelle Scuole, negli Uffici e dovunque il nostro popolo può esprimere la sua tipica cultura. Se si è sentita la necessità di richiedere maestre e infermiere friulane per assistere bambini e ammalati durante il terremoto, non comprendiamo perché questo sacrosanto principio non debba valere sempre.

7) - I nostri paesi dovranno rinascere con tutta la ricchezza di personalità, diversità e caratterizzazione di prima. È un dovere fondamentale rispettare l’ambiente naturale, storico, etnologico del Friuli escludendo assolutamente agglomerati stereotipi, economici quanto disumani, che sarebbero una manna per coloro che sfruttano anche le disgrazie, ma che ucciderebbero la spontaneità e la irripetibilità del vivere friulano. Si dovrà anche tener presente che la nostra gente vive in maniera rilevante con il lavoro dei campi e che sarebbe snaturata e depauperata se la incanalassimo in condomini.

8) - Come preti abbiamo assistito in questi giorni a una delle Messe più vere che il nostro popolo ha saputo celebrare nella sua storia attraverso l’aiuto vicendevole e dimostrando una forza morale che nessuno avrebbe sospettato. Questo popolo saprà trovare la sua forza anche senza templi manufatti. Ebbene, chiediamo che si procuri con priorità assoluta un alloggio dignitoso a ogni famiglia privilegiando le più povere. A Dio piacendo, in un secondo tempo, si potrà pensare alla costruzione di qualche chiesa che mostri anche nelle sue strutture che il Signore vive con noi, senza manie di grandezza, ben guardandoci da suntuosità e splendori inutili, che non hanno alcuna relazione né con Dio né con i Friulani.

9) - La catastrofe ci ha colpiti anche in un altro punto intimo della nostra anima quando ha ridotto in macerie dei monumenti che erano come un libro aperto della nostra storia. Possiamo anche attendere, ma vogliamo che questi luoghi sacri vengano riedificati perché un popolo vive di ciò che sa mostrare di sé alle generazioni future. È chiaro che non si dovrà sacrificare gli uomini ai monumenti e ai musei. Se occorre si scelgano prima (e qui intendiamo riferirci a una seria programmazione con massima autorità lasciata ai Comuni) luoghi specifici in modo che la vita di ieri non sia un intralcio alla vita di oggi.

10) - Poiché l’uomo non vive solo di pane, ribadiamo con maggior forza l’impegno preso in Assemblea per l’Università friulana. Denunciamo come banali e disoneste le remore avanzate in questi giorni contro questo diritto irrinunciabile. Coloro che godono di forza politica sappiano che ora hanno un motivo di più e grave per chiarire a questo riguardo le loro posizioni. E non si continui a barare. L’Università è parte integrante della ricostruzione.

11) - La Chiesa Friulana, senza invadere le specificità delle competenze, intende offrire tutta la sua forza per servire il suo popolo ed è decisa a lottare fino in fondo perché vengano riconosciuti i suoi diritti facendosi parte esponente come essa ha sempre fatto. Sempre per il popolo mettiamo a disposizione ciò che abbiamo potuto realizzare con il suo sudore e la sua fede: Seminario, case parrocchiali, ricreatori, colonie e tutto ciò che è necessario, disposti anche a vendere oggetti di valore.

In questo spirito proponiamo che tutti i Santuari, anche se esenti dalla giurisdizione del Vescovo, ma che vivono con le offerte di questa gente così duramente provata, devolvano ciò che non è strettamente necessario alla loro sopravvivenza per aiutare coloro che li hanno finanziati a tutt’oggi. Tutti coloro che vorranno rivolgersi a noi troveranno la porta aperta e la piena disponibilità nel limite consentitoci. Diamo mandato ai nostri organi di Curia di formare quanto prima un centro di coordinamento per queste iniziative in luogo di Commissioni e Uffici che stimiamo inutili.

Il Signore conceda conforto a quelli che soffrono e ai morti la pace.

I preti di Glesie Furlane

https://www.pattoperlautonomia.eu/tutte-le-notizie/2044-dopo-il-taramot-ai-furlans-che-crodin