Ana Miranda demanda axilidade na execución do Corredor Atlántico e na cooperación transfronteiriza
Bloque Nacionalista Galego 26-02-2026, 06:44
A eurodeputada do BNG, Ana Miranda, fixou dúas prioridades para Galiza na Comisión de Política Rexional, como son a execución do Corredor Atlántico e a cooperación transfronteiriza, a respecto do informe do que é correlatora en nome do grupo parlamentar, o instrumento financeiro das Redes Transeuropeas de Transporte denominado “Mecanismo Conectar Europa (CEF)”.
“Temos que aproveitar os recursos europeos para que Galiza conte dunha vez cunha demanda histórica como é o Corredor Atlántico”, salientou Ana Miranda, quen, como única voz galega na Comisión de Política Rexional do Parlamento Europeo que decidirá os futuros fondos de cohesión, explicou que para Galiza é fundamental axilizar a rede transeuropea no ámbito do transporte.
Este informe sobre o instrumento financeiro “Mecanismo Conectar Europa (CEF) ten como un dos seus obxectivos rematar a Rede Transeuropea de Transporte (RTE-T), centrándose en completar a rede central e a rede ampliada para 2030 e 2040 respectivamente. Neste sentido a eurodeputada galega salienta que o corredor Atlántico -Porto-Vigo-A Coruña- aparece mencionado no anexo como prioridade pero sen fondos, polo que non poderá ser completado. “Nese sentido irán as emendas do BNG”, avanzou.
Aproveitar a oportunidade
Por outro lado, Ana Miranda defendeu a importancia de empregar este mecanismo para eliminar obstáculos e barreiras administrativas, especialmente no eido transfronteirizo de Galiza Norte de Portugal. Neste sentido salientou que o CEF pode presentar unha oportunidade para desenvolver o Regulamento EU 2025/925 ou BridgeforEU para avanzar na eliminación dos problemas administrativos en territorios transfronteirizos, sempre que vaia completado con investimentos “non como até agora”, sinalou.
“Estamos diante dunha oportunidade para mellorar as conexións entre Galiza e Portugal e a calidade de vida das miles de persoas que cada día se desprazan a un e outro lado da fronteira, tal e como no BNG levamos demandando desde hai tempo, e temos que aproveitala”, dixo ao respecto. Neste sentido Ana Miranda defende que para o BNG son fundamentais propostas como a modernización e o impulso de infraestructuras abandoadas ou en desuso como a rede ferroviaria secundaria que conectaría coa Rede Transeuropea de Transportes, a construción de infraestruturas para mellorar as conexións das áreas urbanas, a conexión de portos e autoestradas e en especial a creación dos nós multimudais (NUDOS) que conecten dunha vez portos como o de Vigo á rede transeuropea, mais tamén ás áreas rurais e periurbanas das áreas transfronteirizas para dar acceso a servizos públicos e accesibilidade a lugares de traballo.
Precisamente estes temas de conectividade, accesibilidade e apoio ás conexións transfronteirizas e a mellora do transporte de proximidade foron as principais demandas manifestadas nun encontro que a eurodeputada do BNG mantivo recentemente en Vigo para analizar este informe, no que participaron o portavoz municipal da cidade, Xabier P. Igrexas; a alcaldesa do Rosal, Ánxela Fernández; o Responsábel Comarcal de Vigo, Manuel Caride, e do Condado, Xavier Viéitez; así como representantes da formación nacionalista en Redondela; Tomiño; Tui; Salvaterra; Covelo; Mondariz Balneario; Salceda; Crecente e Mondariz.
Segundo salientaron nas súas intervencións, esta mellora da rede de transportes e da mobilidade, ademais de contribuír a fixar poboación, debería ir da man da mellora das conexións coa PLISAN (Plataforma Loxística Salvaterra-As Neves), no obxectivo de garantir o seu completo desenvolvemento industrial e a accesibilidade das zonas.
Stanoviska hnutí Moravané k sjezdu Sudetoněmeckého landsmanšaftu v Brně
Stručné stanovisko hnutí Moravané k sjezdu Sudetoněmeckého landsmanšaftu v Brně
La Junta Electoral ha fet públics aquest dimecres 22 d’abril els resultats definitiusde les eleccions al Secretariat Nacional de l’Assemblea. Els resultats s’han proclamat passat el termini que la Junta Electoral ha disposat per resoldre possibles al·legacions.
read more..El president d’Esquerra Republicana considera que són “els únics que s’han pres seriosament” la renovació del model i fa una crida “a tots els actors polítics i agents econòmics i socials” a sumar-s’hi i per resoldre els temes pendents com la recaptació de l’IRPF
read more..Het Vlaams Belang verzette zich gisteren hevig in de Kamer tegen de omzetting van het EU-Migratiepact in nationaal recht."Dit degradeert ons parlement tot uitvoerder van Europese beslissingen die wij niet hebben genomen en niet kunnen terugdraaien", zegt Kamerlid Francesca Van Belleghem."Het is een fundamentele vergissing. Dit pact zal niet zorgen voor minder illegale migratie. Het wil legale migratie juist nog meer faciliteren.”
read more..On ne peut parler de l’École valdôtaine sans relier cette question avec le problème de fond, le problème de la langue française et du patois franco-valdôtain, question fondamentale du Peuple valdôtain.
read more..Jorge Pueyo, presidente de CHA: “La nueva Ejecutiva, formada por 18 personas, aúna juventud y experiencia, y conoce a la perfección el territorio, la situación de Aragón y la realidad de Chunta Aragonesista”.
read more..ANDALUCISTAS DENUNCIA LA PRECARIEDAD LABORAL EN ANDALUCÍA Y SEÑALA A LA FERIA DE ABRIL COMO EJEMPLO DE UN MODELO ECONÓMICO “RICO EN CIFRAS, POBRE EN DERECHOS”
La coalición critica que eventos que generan hasta 1.000 millones de euros en cifras de volumen de negocio, sigan sustentándose en empleos temporales, inestables y en muchos casos sin garantías laborales
read more..La crise du logement s’installe et s’aggrave. Depuis la flambée des prix amorcée en 2020, des millions de personnes ont été exclues du marché de l’achat, tandis que le marché locatif est désormais saturé. Les mesures prises par le gouvernement, sous la pression des mobilisations, ont permis tout au plus de contenir l’incendie — sans réparer les dégâts.
read more..