BNG exixe ao Goberno transparencia e compromiso real para rematar a Variante Exterior do AVE en Ourense
Bloque Nacionalista Galego 28-04-2026, 11:07 development
Carme da Silva Méndez require ao Goberno do Estado abandonar a opacidade e cumprir os compromisos adquiridos coa Galiza
A senadora do BNG demanda coñecer os verdadeiros plans do Ministerio para con esta infraestrutura estratéxica e garantir a chegada do AVE a Ourense
O Bloque Nacionalista Galego (BNG) leva as Cortes do Estado a reclamación ao Goberno do Estado e ao Ministerio de Transportes de información clara, actualizada e detallada sobre o estado das obras da Variante Exterior do AVE en Ourense, ante os reiterados atrasos e as incertezas existentes sobre a execución completa do proxecto.
As actuacións desta infraestrutura, consideradas estratéxicas para garantir unha conexión ferroviaria moderna e eficiente, iniciáronse no ano 2022 coa execución dos dous primeiros tramos, Taboadela-Túnel de Rante e Túnel de Rante-Seixalbo, correspondentes á denominada Fase 1. Porén, a evolución das obras evidencia xa importantes demoras, sendo evidente que os prazos previstos non se van cumprir e que os traballos se prolongarán ao longo de 2026.
A maiores, resulta especialmente preocupante a situación do tramo final, entre Seixalbo e a estación de Ourense, que segundo diversas informacións podería non ser executado a curto prazo por decisión do Ministerio, ao considerar que non suporía unha redución significativa dos tempos de viaxe. De confirmarse esta decisión, o BNG advirte que se estaría consolidando unha entrada do AVE a Ourense nun trazado de vía única, sinuoso e en forma de funil, que xa está a provocar problemas operativos e incidencias recorrentes.
Neste sentido, a senadora do BNG, Carme da Silva Méndez, denuncia que “non ten sentido renunciar a un tramo fundamental que permitiría eliminar o paso polo intercambiador de Taboadela e evitar as actuais limitacións de velocidade, mellorando tanto a seguranza como a eficiencia do servizo”. A execución deste último tramo permitiría adaptar a infraestrutura aos estándares propios da alta velocidade, frente á situación actual, na que existen ata catro limitacións de velocidade entre 80 e 105 km/h nun trazado de tráfico mixto.
Da Silva Méndez critica tamén o “clamoroso silencio” do Ministerio de Transportes ante as reiteradas iniciativas parlamentarias presentadas para coñecer o estado real das actuacións. Hai un ano, o Goberno limitábase a sinalar ao BNG que ADIF traballaba na execución da Fase 1 con financiamento europeo, sen achegar nin prazos nin información sobre o conxunto da Variante, especialmente sobre o tramo pendente de nove quilómetros até a estación de Ourense.
“É inadmisíbel que o Ministerio non dea explicacións nin concrete prazos, nin tampouco clarifique se existe unha decisión firme sobre o futuro da Variante Exterior” subliña Da Silva, quen insiste en que “non se pode xustificar a paralización dunha infraestrutura clave unicamente en criterios de aforro de tempo, cando precisamente a falta da súa execución está a obrigar a reducir a velocidade dos trens e a empeorar o servizo”.
Ante esta situación, o BNG demanda un informe con total transparencia sobre o estado actual das obras dos tramos Taboadela-Túnel de Rante e Túnel de Rante-Seixalbo, así como os prazos reais de finalización. “Debe aclarar de maneira inmediata se existe unha decisión de non executar o tramo Seixalbo-Ourense e, de ser así, explique as razóns que a motivan” exixe a senadora do BNG.
“O Goberno e, no concreto, o Ministerio de Transportes deben garantir que a chegada do AVE a Ourense se realizará en condicións de dupla vía, con estándares de alta velocidade e máximas garantías de seguranza” sentenza a senadora nacionalista.
Ana Miranda: “Como eurodeputada galega defenderei os intereses galegos na negociación dos informes da Comisión de Política Rexional nos que son correlatora”
read more..La coordinadora del Rolde de Feminismos de CHA, Isabel Giménez Uliaque, expresa su profunda preocupación y el firme rechazo contra la violencia machista ante las informaciones publicadas sobre la investigación abierta al ya exdirector adjunto operativo de la Policía por presunta agresión sexual y otros delitos.
read more..Taal is meer dan woorden - het is een stukje van wie we zijn.
De jaarlijkse poëzieweek herinnert ons eraan hoe het Nederlands ons verbindt, ontroert en verbeelding wekt.
Montse Valcárcel critica que o Goberno galego se presente como defensora dos montes veciñais mentres lles pasa a factura dúas veces
“Primeiro queda cunha porcentaxe das vendas durante décadas e agora reclámalles débedas calculadas á súa maneira”, alega
read more..La coalición defiende una candidatura pegada al territorio, con experiencia de gestión municipal y una propuesta centrada en las soluciones frente a las peleas de los partidos políticos porque “defender lo público no es dar mítines, es gestionar a diario y dar respuestas a la gente”
read more..Vlaams Parlementslid Frédéric Erens(Vlaams Belang) heeft donderdag in de Commissie Mobiliteit en Openbare Werken van het Vlaams Parlement bezwaar aangetekend tegen het ontwerp van decreet dat een CO₂-heffing invoert voor vrachtwagens."Dit gaat niet om het klimaat, dit is een ordinaire belastingverhoging die onze transportsector kapotmaakt en de Vlaamse consument recht in de portemonnee raakt", aldus Erens.
read more..
Старите американски имиграционни тетрадки са отличен исторически източник, който потвърждава съществуването на македонска идентичност (и македонска самоидентификация) през първата половина на 20-ти век.
Der SSW hat heute einen Antrag in den Landtag eingebracht, der die Fortschreibung des bestehenden Theaterkonzepts für Schleswig-Holstein bis 2031 fordert und damit die Grundlage für eine verlässliche Zukunft der öffentlichen Bühnen schaffen soll.
read more..Carmela González critica que a normativa que prepara o PP chega tarde e “non só non elimina a discriminación, senón que afonda nas desigualdades”
read more..