By de besite waard wiidweidich praat oer aktuele tema’s binnen de bousektor, en hoe’t der omgien wurdt mei de útdagingen op dit mêd. By Lont stiet net allinnich bouwen sintraal, mar ek it kreëarjen fan in leefbere omjouwing. ‘It is moai dat se fierder sjogge as allinnich it bouwen, mei bygelyks de konsepten ‘Beren de Baas’ en de ‘Kluer-filosofie’, jout Fraksjefoarsitter Sita Land-Dotinga oan. Mei dizze konsepten set it bedriuw yn op ynnovative en takomstbestindige wenkonsepten, wêrby’t leefberens en duorsumens sintraal steane. Mei it projekt ‘Beren de Baas’ bringt Lont belutsen partijen om tafel, mei as doel de prosessen oangeande wenningbou te fersnellen.

Neffens de FNP litte dit soarte inisjativen sjen hoe wichtich oft gearwurking is by de wenningbou-opjefte yn Fryslân. Troch partijen mei-inoar yn petear te bringen, kinne prosessen flugger ferrinne en kin der better oansletten wurde op it ferlet fan ynwenners en doarpen.

De FNP sjocht werom op in weardefol wurkbesite, en nimt de ûnderfiningen en ynsichten út de praktyk wei mei nei de behanneling fan de startnotysje wenjen yn Provinsjale Steaten.

https://www.fnp.frl/blog/nijs/fnp-op-wurkbesite-by-boubedriuw-lont/

Ut ûndersyk yn opdracht fan it Ministearje fan Underwiis, Kultuer en Wittenskip docht op ‘e nij bliken dat de ryksmiddels foar kultuer foaral telâne komme yn de grutte stêden yn de Rânestêd. Tagelyk lit it rapport sjen dat Fryslân as provinsje krekt de measte middels per ynwenner ynvestearret yn kultuer. Sterker noch: op gjin inkeld oar plak is it provinsjale oandiel yn de totale oerheidsynvestearrings yn kultuer sa grut as hjir. It fergelyk is noch sûnder de middels foar de Fryske taal. Al is dat fansels ek in kultuerdrager.

Dêr is de Provinsje Fryslân grutsk op. Mar it lit ek wat oars sjen: as provinsje springe wy yn in gat dat it Ryk falle lit. Dat kin net de bedoeling wêze. De ryksmiddels foar kultuer komme no te iensidich telâne op plakken wêr’t de kulturele ynfrastruktuer al sterk is. Provinsjes lykas Fryslân, Drinte en Seelân moatte it mei folle minder dwaan. Dat is net yn lykwicht, en dat moat oars. Mar it moat sein wurde: dizze diskusje spilet al tsientallen jierren.

It rapport biedt dúdlike oanknopingspunten. De sprieding fan kultuerjilden kin folle sterker ferankere wurde yn de subsydzjeregelingen fan it ministearje en de rykskultuerfûnsen. It hiele stelsel hoecht dêr net foar feroare te wurden, mar der is wol in dúdlike kar yn it belied foar nedich. Minister fan Underwiis, Kultuer en Wittenskip Rianne Letschert komt nei de simmer mei in reaksje op it rapport en oer it kultuerstelsel nei 2029.

De oprop fan de Provinsje Fryslân oan har is: gean mei ús yn petear. Litte wy mei-inoar de ryksfûnsen sa ynrjochtsje dat kultuerynstellings yn alle provinsjes profitearje.

Dit moat oars.

https://www.fnp.frl/blog/nijs/provinsje-fryslan-lanlik-koprinner-ynvestearrings-yn-kultuer/

De FNP stelde op 15 april al mûnlinge fragen oer de ôfsluting fan gebieten by Ternaard en Wierum. Doe woe de partij witte oft der kontakt west hie tusken Rykswettersteat, de provinsje en de gemeente Noardeast-Fryslân oer it beslút. Ek frege de FNP it kolleezje om aksje te ûndernimmen rjochting Rykswettersteat. Omdat Wetterskip Fryslân oanjûn hie dat natuerbelied en wetjouwing de ferantwurdlikens binne fan Rykswettersteat en de provinsje, en dat it Wetterskip sels gjin rol hat yn it natuerbehear fan de bûtendykse kwelders, hie Steatelid Hemstra oanfoljende fragen.

De gemeenteried fan Noardeast-Fryslân hie yn april unanym in moasje oannommen, wêryn’t oproppen wurdt ta in iepen en earlik proses mei belutsen oerheden en goede kommunikaasje mei omwenners. Hemstra frege oft it kolleezje fan Deputearre Steaten ree is om de gemeente Noardeast-Fryslân dêryn te stypjen. Deputearre Matthijs de Vries, ferantwurdlik foar it natuerbelied, joech oan dat it op in fersyk fan de gemeente posityf antwurdzje sil.

Derneist stelde de FNP fragen oer de ôfsluting fan de Boschplaat op Skylge en mooglik ek fan gebieten op It Amelân. Dizze plannen soargje foar opskuor ûnder omwenners, en Steatsboskbehear Skylge waard oerfallen troch de plannen. De FNP wol ûnder oare witte hoe’t de provinsje oansjocht tsjin de plannen fan Rykswettersteat, oft de provinsje dêrby belutsen is en hokker rol behearders en tafersjochhâlders hawwe by mooglike gebietsferboaden.

Deputearre De Vries, út syn funksje wei foarsitter fan de stjoergroep Boschplaat, antwurde dat de provinsje net yn ‘t foar ynformearre is oer it foarstel fan Rykswettersteat om it gebiet ôf te sluten. Hy stiet dêr ek net achter. “Yn de Boschplaatfyzje stiet dat it gebiet tagonklik is foar eilanners en rekreanten en dêr hâlde we oan fêst.” Boppedat wie de deputearre it mei de FNP iens dat it proses en de kommunikaasje fan Rykswettersteat better kin.

De FNP bliuwt de ûntwikkelingen om de kwelders, de Boschplaat en mooglik oare gebieten yn Fryslân sekuer folgjen.

https://www.fnp.frl/blog/nijs/de-fnp-stelt-munlinge-fragen-oer-ofsluting-fan-kwelders/

De Nederlânske regearing is foarstanner fan de nije plannen wêrby’t De Haach de regy kriget. Dy striid is lykwols noch lang net beslikke. Der is ek brede wjerstân yn it Europeesk Parlemint en yn oare EU-lannen, lykas Dútslân, tinke regearingslieders der hiel oars oer. Uteinlik moat der yn it kommende jier in kompromis fûn wurde. Dêrby moatte alle EU-lannen ynstimme, en ek in mearderheid fan it Europeeske Parlemint.

Dinie Visser: “Lokale en regionale oerheden steane oan de latte foar sa’n 70% fan de Europeeske doelstellingen. Mar yn dit nije systeem komme se oan it fuottenein te stean as it giet om de plannen én de ferdieling fan de middels.”

Om de druk op te fieren, hat de FNP in moasje yntsjinne om de Fryske opposysje tsjin it stânpunt fan de Nederlânske regearing nochris dúdlik út te sprekken. De belutsenens fan lokale en regionale oerheden by de ferdieling fan ynvestearringsjilden is essinsjeel. Europeeske middels wurkje as oanjeier foar publike en private ynvestearrings yn de regio. Lokaal ynbêde belied en regionale programmearring fan fûnsen wurket oantoanber it bêste, want sa binne de linen mei bedriuwslibben en kennisynstellings koart.

De tsjinstân tsjin de plannen spilet gelokkich net allinne yn Nederlân. De European Free Alliance, de Europeeske partij dêr’t de FNP by oansletten is, hat dêrom begjin 2026 in kampanje lansearre.

EFA-vice-foarsitter Frank de Boer: “Ferskillende regio’s yn Europa hawwe earder al moasjes oannommen tsjin de plannen, krekt as yn Fryslân. Hjoed wurdt boppedat oan de Europeesk Kommissaris foar regionaal belied, de Italiaan Raffaele Fitto, in petysje oanbean dy’t troch mear as 650 regionale en lokale folksfertsjintwurdigers út hiel Europa tekene is. Ek de FNP sil dêr yn Brussel by oanwêzich wêze.”

‘De natoer moat beskerme wurde, mar minsken de tagong ûntsizze is net it middel.’, seit Tjitte Hemstra. Doel is om fersteuring fan natoer foar te kommen neffens Rykswettersteat.

Wurdfierder Tjitte Hemstra wol witte oft der ek kontakt west hat tusken Rykswettersteat, de provinsje en de gemeente Noardeast-Fryslân oer it beslút.

De FNP fraksje fynt it ôfsluten fan it gebiet in ferkearde oanpak. Der soe mear ynformaasje jûn wurde moatte oer de rêst en wêrom’t dy rêst nedich is foar de fûgels yn it gebied, yn stee fan it ferstân út te skeakeljen mei in ferbod, sûnder oerlis mei de bewenners. De partij trunet it kolleezje oan om aksje te ûndernimmen rjochting Rykswettersteat. Der soene alternativen komme moatte, mooglik yn gearwurking mei de gemeente Noardeast-Fryslân.

https://www.fnp.frl/blog/nijs/fnp-lit-de-ynwenners-fan-ternaard-en-wierum-gebietsje-fan-harren-gebiet/

Troch nije easken fan de ILT (Inspectie Leefomgeving en Transport) ûntstiet der lykwols foar it briedseizoen 2026 in akút probleem: de hjoeddeistige brevetten fan de BFVW-dronepiloaten foldogge net mear oan de nije, swierdere opliedingseasken. Dêrtroch binne se net fersekere en rinne se risiko op boetes as se fleane. Dat skept in direkte bedriging foar de effisjinte beskerming fan greidefûgels, krekt yn in krúsjale perioade.

De FNP hat skriftlike fragen steld oan it kolleezje mei it fersyk om op koarte termyn oplossings te ferkennen, bygelyks in oerbrêgingsregeling. Sa kin de weardefolle ynset fan de greidefûgeldrones ek yn it kommende briedseizoen trochgean.

https://www.fnp.frl/blog/nijs/fnp-wol-oplossing-foar-greidefugeldrones/